ఆడవే మయూరి

చరణ కింకిణులు ఘల్లుఘల్లుమన
కర కంకణములు గలగలలాడగా
వినీల గజభర విలాస బంధుర
తనూలతిక చంచలించిపోగా

ఆడవే మయూరి నటనమాడవే మయూరి
నీ కులుకును గని నా పలుకు విరియ
నీ నటనను గని నవ కవిత వెలియగా
ఆడవే మయూరి నటనమాడవే మయూరి

అది యమునా సుందర తీరము
అది రమణీయ బృందావనము
అది విరిసిన పున్నమి వెన్నెల
అది వీచిన తెమ్మెర ఊయల
అది చల్లని సైకత వేదిక
ఆట సాగెను విరహిని రాధిక
అది రాధ మనసులో మాధవుడూదిన
రసమయ మురళి గీతిక

ఆడవే మయూరి నటనమాడవే మయూరి
నా పలుకులకెనెయగు కులుకు చూపి
నా కవితకు సరియగు నటన చూపి
ఇక ఆడవే మయూరి నటనమాడవే మయూరి

పాలా  నేత్ర   సంప్రభావిత జ్వాలలు  ప్రసవ సరుని దహియించగా
పతి ని  కోలిపడి రతి దేవి   దుక్కిత్త మతి ఐ  రోదించగా
హిమగిరీంద్ర శిఖరాగ్ర తాండవ ప్రమధ గణము కనిపించగా
ప్రమదనాద కర పంకజ భ్రాంకృత ఢమరుద్వని వినిపించగా
ప్రళయ కాల  సంకలిత భయంకర జలదరార్బటుల
జలిత దిక్కటుల జహిత దిక్కరుల వికృత ఘీంకృతుల
సహస్రఫణ సంచలిత భూత్క్రుతుల

కనులలోన కనుబొమలలోన అధరమ్ములోన వదనమ్ములోన
గళసీమలోన కటిసీమలోన కరయుగములోన పదయుగములోన
నీ తనువులోని అణువణువులోన
అనంత విధముల అభినయించి
ఇక ఆడవే...ఆడవే..ఆడవే.........